Hafan
Cyn deialu 999 am ambiwlans, gofynnwn ichi gofio:
- Os na fyddwch yn teimlo’n dda ac yn ansicr beth i’w wneud, ffoniwch wasanaeth Galw Iechyd Cymru ar 0845 46 47 a siarad gyda chynghorydd nyrsio am gyngor a gwybodaeth, sydd ar gael 24 awr y dydd, bob dydd.
- Os byddwch yn fyddar neu’n drwm eich clyw, ffoniwch rif ffôn destun Galw Iechyd Cymru ar 0845 606 46 47.
- Os bydd gennych argyfwng meddygol fel bod yn anymwybodol, anhawster anadlu, amheuaeth o drawiad ar y galon, colli gwaed yn ddifrifol, anaf difrifol neu losgiadau difrifol ffoniwch 999.
- Gall anfon ambiwlans i alwad nad yw’n argyfwng ohirio’r ymateb i glaf sy’n ddifrifol wael neu wedi’i anafu’n ddifrifol.
- Nid yw cleifion â mân salwch neu anaf sy’n cyrraedd yr ysbyty mewn ambiwlans yn derbyn triniaeth gyflymach
Cynhelir cyfarfod nesaf Bwrdd Ymddiriedolaeth GIG Gwasanaethau Ambiwlans Cymru am 10.00 a.m. ar 22 Mai 2013 yn yr Ystafell Fwrdd, Ysbyty HM Stanley, Llanelwy, Sir Ddinbych, LL17 0RS gyda chyswllt cynhadledd fideo ar gael o Ystafell Henllys, Ty Vantage Point, Cwmbran. Mae’r Ymddiriedolaeth yn croesawu aelodau’r cyhoedd a rhoddir ystyriaeth lwyr i gydraddoldeb ac amrywiant. Os bydd gennych unrhyw anghenion arbennig i allu bod yn bresennol, yna cysylltwch â ni o leiaf pum niwrnod gwaith ymlaen llaw os gwelwch yn dda fel y gallwn ateb eich anghenion. Bydd cyfleusterau cyfieithu ar gael. Os byddwch yn bwriadu mynychu’r cyfarfod, gadewch inni wybod ymlaen llaw os gwelwch yn dda er mwyn inni fod yn ymwybodol o’r nifer. Manylion pellach, gan gynnwys cyfarwyddiadau i’r lleoliad ar gael gan Caroline Jones ar 01745 532970.
Cliciwch ar y cyswllt hwn ar gyfer yr Adroddiad Blynyddol
