Meddyliwch yn ofalus cyn deialu 999

Mae llawer o alwadau rydym yn eu derbyn yn rhai nad ydynt yn achosion brys sy'n bygwth bywyd. Os gwelwch yn dda, meddyliwch yn ofalus cyn deialu 999. Gallwch helpu i achub bywydau.

Peidiwch ag oedi cyn galw 999 mewn achos brys gwirioneddol sy'n bygwth bywyd, fel poenau yn y frest, prinder anadl, anymwybyddiaeth neu waedu difrifol.

Fodd bynnag, mae amryw o opsiynau eraill i bobl sydd ag anafiadau neu salwch llai difrifol, gan gynnwys:

• Ymweld â'r fferyllfa leol
• Ffonio Galw Iechyd Cymru ar 0845 4647 neu 111 os yw ar gael yn eich ardal
• Ymweld â www.111.gig.cymru
• Ymweld â'r Meddyg Teulu lleol

Pan fydd angen i chi fynd i'r ysbyty, a oes modd i chi gyrraedd yno mewn car, cludiant cyhoeddus neu dacsi?

Ni chewch eich gweld funud ynghynt yn yr ysbyty oherwydd i chi gyrraedd yno mewn ambiwlans.

Os byddwch yn deialu 999 am broblem nad yw'n un wirioneddol frys, yna gallech fod yn gohirio'r ymateb i rywun sy'n dioddef gan gyflwr sy'n bygwth bywyd.

Deialwch 999 ar unwaith am achosion brys fel

• Poen yn y frest
• Anhawster anadlu
• Anymwybyddiaeth
• Colli gwaed yn ddifrifol
• Tagu
• Ffitiau/ confylsiynau
• Boddi
• Ymatebion alergaidd difrifol